WELKOM BY
Laerskool Vredendal
Ons Skool
Akademie
Sport
Kultuur
Inligting
Ons Skool
By Laerskool Vredendal streef ons daarna om die kind as individu in sy/haar totaliteit volgens Christelike norme op te voed.
SKOOL URE
M-V: 7:30vm – 2:00nm
ADRES
Skoolstraat, Vredendal, 8160
E-POs ADRES
admin@laerskoolvredendal.co.za
TELEFOON No
027 213 3016
Uit die Hoof se pen
In Vredendal met sy rustige, ruim en plattelandse atmosfeer is ‘n skool gevestig en gebaseer op Christelike Normes en Waardes. Ons is dankbaar dat ons ‘n skool kan wees waar ons “Kinderdrome vlerke gee” en ‘n toekomsvisie van tradisie en hoër hoogtes kan nastreef. Dit is ‘n voorreg om met kosbare kinders van ons Hemelse Vader en ouers te kan werk.
Vir ons is dit belangrik dat elke kind die geleentheid ontvang om teen sy eie tempo te ontwikkel. Sodoende vind holistiese groei plaas en word leerders toegerus om hul plek in die samelewing vol te kan staan. Ons glo in waardegedrewe onderwys waar ons ‘n aangename leeromgewing skep vir beide kinders, personeel en ouers. As skool het ons ‘n oopdeurbeleid en ons waardeer positiewe insette vanaf die gemeenskap.
Ons akademiese standaard is baie belangrik vir die skool en met harde werk van talle rolspelers kan ons met trots sê dat ons in ons doel slaag. Op buite-kurrikulêre gebied presteer ons kinders baie goed teen die bestes en is welbekend vir spogprestasies.
Laerskool Vredendal se personeel, leerders en ouers is soos ‘n groot familie waar ons as ‘n span saamwerk om die sukses van ons skool te bewerkstellig.
Ons streef na uitmuntendheid en soos ons leuse sê: MY PLIG MY EER !
Baie welkom by LSV se Webblad
Mnr. Riaan van der Watt
Skoolhoof
Skool Nuus
ONS MISSIE
By die Laerskool Vredendal streef ons daarna om die kind as individu in sy totaliteit volgens Christelike norme op te voed en in die proses aandag te gee aan:
- intellektuele groei
- die ontwikkeling van vaardighede en verhoudings
- die bou van ‘n gesonde selfbeeld en besef van eie waarde
- die handhawing van gesonde menseverhoudings en
- hoë morele beginsels
Om sodoende ‘n ordelike omgewing te skep waarbinne die kind gelukkig kan ontwikkel om as n gebalanseerde en verantwoordelike volwassene sy plek in die samelewing te kan volstaan.
ONS VISIE
Laerskool Vredendal bied stabiliteit en die geleentheid vir elkeen om gelukkig en geborge te voel. Daarom integreer ons akademie, kultuur en sport sodat gesonde geestelike, emosionele en sosiale waardes gekweek word.
Dit verseker dat elkeen sy plek kan volstaan as verantwoordelike landsburgers.
Ons Waardes
NEDERIGHEID
INTEGRITEIT
VRIENDELIKHEID
SELFDISSIPLINE
GOEDHARTIGHEID
LOJALITEIT
Hoofseun & Hoofdoger
Cohen Taljaard
Ek sien uit na 2024 om my skool, Laerskool Vredendal, te kan verteenwoordig as Hoofseun. Dit is vir my ‘n ongelooflike groot voorreg.
Ek is dankbaar vir ons Hemelse Vader, my ouers, gesin en onderwysers wat my gehelp vorm het in die mens wat ek vandag is.
Mede leerders, personeel, lede van die beheerliggaam, terreinpersoneel, elke ouer en natuurlik ons skoolhoof, Mnr. Riaan van der Watt, dit is ‘n groot eer en ek is trots om ‘n voorbeeld vir soveel kinders te kan wees.
Die Spingbokke het 4 wêreldbekers gewen met die leuse: Sterker Saam en my wens is dat Laerskool Vredendal ook in 2024 sterker word as ‘n eenheid wat saamwerk en mekaar se hande vashou. Mag ons weet waar ons krag vandaan kom en nooit groter en belangriker probeer wees as ander nie en mag Laerskool Vredendal in 2024 hul vlerke sprei en nuwe hoogtes bereik in sport, kultuur en akademie.
Elena Lombard
By Laerskool Vredendal is ons baie bevoorreg met wonderlike skoolgronde, onderwysers, leerders en personeel wat die karakter van ons skool uitleef.
My visie vir LSV in 2024 is dat ons as leerders groter deelname van aktiwiteite sal hê, verbetering in gehoorsaamheid en dissipline en respek tussen maats, leerders en onderwysers. My missie vir Laerskool Vredendal is dat ek die leerders wil aanmoedig om groter hoogtes te bereik en om hulle karakter uit te bou deur self ‘n goeie voorbeeld hiervan te wees. Ek glo in goeie waardes soos eerlikheid, geloof in God en selfdissipline en wil dit graag daagliks uitbeeld.
Ons het ‘n baie goeie LV-groep vir 2024 en ek glo dat ons saam as ‘n span goeie voorbeelde en groot verbeteringe in die skool kan maak.
Leerderverteenwoordigers
Wat 'n lekker geleentheid om Kwartaal 3 se dinge af te skud... ... See MoreSee Less
Comment on Facebook
Baie geluk aan ons meisies wat deurgedring het na die 2de Rondte van die Rising Star tennis.
Hulle gaan die 29 ste en 30 ste September in die provinsiale rondte in die Kaap speel.
Ons sê graag sterkte aan Katie Swanepoel, Leentjie Swanepoel, Aliana Beukes en Mareli van der Westhuizen.
Geniet dit🎾
#dallerkampioene
#dallertrots ... See MoreSee Less
Comment on Facebook
Well done girls!!👏💚
Baie geluk julle ❤️
Baie geluk!!!!!!❣❣❣❣⚘⚘⚘⚘
Baie geluk julle!
Pragtig julle! 🫶
Well done girls! Baie sterkte met die volgende rondte! 😁🎾
View more comments
Ons jaarlikse gholfdag was 'n reusesukses!
Baie dankie aan elke borg, helper en ondersteuner vir julle bydrae#dallerkampioenei#dallertrotstrots ... See MoreSee Less
Comment on Facebook
Boodskap van mnr. Riaan. ... See MoreSee Less
Comment on Facebook
Fantastiese boodskap Riaan👏💯‼️
Ek stem Chris
Ons Graad 3’s het die geleentheid gehad om op 12 September by Namakwa Klei Stene te Klawer besoek af te lê. Dit sluit aan by die Gr. 3 Lewensvaardigheidstema, Produkte en Prosesse. Die kinders kon ervaar hoe arbeidsintensief die maak van
stene is en dat harde werk en knap vaardighede van uiterste belang is! Hulle kon leer van hoe die verskillende grondtipes volgens ‘n verhouding gemeng word om ‘n spesifieke baksteen te verkry en hoe belangrik faktore soos die klimaat is om stene gedroog te kry voor dit gebak kan word. Dit duur omtrent 4 maande om ‘n baksteen deur die hele proses te kry, mits alle omstandighede mooi saamspeel!
Die kinders het ook lekker
met die klei gespeel en kreatiewe skeppings gemaak!
Baie dankie aan tannie Adri Nel en oom Koos Harris wat tyd afgestaan het om
die groepe te begelei. ‘n Groot dankie aan tannie Mariette wat ons vreeslike honger kinders bederf het met lekker hotdogs en sappies. Dankie aan oom Albertus Wagener, mnr Christo du Preez en pappas Sybrand Laubscher en Christo Makatees wat hul tyd afgestaan het om ons kinders veilig te vervoer. Dit was beslis baie interessant en leersaam!
Gr.3 leerders en Juffrouens. ... See MoreSee Less
Comment on Facebook
... See MoreSee Less
Comment on Facebook